ابن الاسلام
مشرف القسم الأسلامي
عدد الرسائل : 44
تاريخ التسجيل : 20/04/2008
 | موضوع: عفوك يا الله  الجمعة 09 مايو 2008, 6:24 pm | |
| السلام عليكم ورحمه الله وبركاتة
للشاعرمحمد ابن قطيس المرى اتمنى ان تنال اعجابكم
يالله عفـوك يـوم تصفيـة الحسـاب
،،،، يومٍ حصاد لما زرعنا فـي السنيـن
يوم الحشر قـرب ولا معنـا زهـاب
،،،، اليوم في الدنيا وبكـره راحليـن
نجني ذنوب ونرتجـي عفـو وثـواب
،،،، وعلى نصر ربي لنـا مستعجليـن
تدرون ليـه امالنـا كنهـا سـراب
،،،، تدرون ليه النصر سيف الاوليـن
الاوليـن اعمالهـم وفـق الكـتـاب
،،،، قاموا عليه وباعوا الدنيـا بديـن
وحنا غفلنـا بيـن مـا لـذ وطـاب
،،،، والنصر سيفٍ مايسلـه غافليـن
نصبح على شوف انتهاكات وخـراب
،،،، ونمسي على دمع وتنهـات ونيـن
بصدورنا شي تـذوب الـه الهضـاب
،،،، وافعالنا والواقع رياح ..وطحيـن
وعلى العيون من الفتن مثل الضبـاب
،،،، معد درينا من يسار ومـن يميـن
ما للضعيف الا الدعـا لـو مايجـاب
،،،، ماغيره الا الشوف مكتوف اليدين
يالله زلزل تحـت الاعـداء التـراب
،،،،والطف بنا واحقن دماء المسلميـن
ندوعك ياقادر على جعـل السحـاب
،،،، جيش لنصرة قلـةٍ مستضعفيـن
اغرقهم بنوع مـن انـواع العقـاب
،،،، غرق الغلام اللي يحسب انه فطين
لوما عصى نوحٍ نجا بـه فـي رحـاب
،،،، سفينته وامضى معه في العمر حين
لكنـه اختـار الخسـاره والذهـاب
،،،، اصنع بهم صنعك به وانت المتيـن
والا اخذهم يامجري ٍ سـود الحقـاب
،،،، اخذ العجوز اللي بقت في الغابرين
ذوقهـم اللهم انــواع الـعـذاب
،،، اللي عثوا في ارضك امن المفسدين
والطف بمن لبسوا من التقـوى ثيـاب
،،،، عبـادك المستهدفيـن المتقـيـن
تكالبـت عليهـم انيـاب الذئـاب
،،،، ولا غير عونك يامعين الصابريـن
من بينهم شيبـه يعجـزون الشبـاب
،،،، من وقفته من طولها. في الركعتيـن
ومن بينهم بنت تـون بـلا حجـاب
،،،، احجابها لفوا به الجـرح المكيـن
تصيح ما هو مـن ألـم ولا صـواب
،،،، تبغى الحجاب اللي خذوه المسعفين
وطفلٍٍ عن عيون امـه الثنتيـن غـاب
،،،، تبكيه عين وتلتفت لأخيـه عيـن
من هول مايجري لهم شـاب الغـراب
،،،، ياوسع حلمك وانت مافوقك مدين
ادعيك وانت ادرى بحال اهل المصـاب
،،،، وامد كفي لك يا اكرم الاكرميـن
| |
|
ميار
مشرف عام
عدد الرسائل : 592
تاريخ التسجيل : 20/04/2008
| | موضوع: رد: عفوك يا الله الخميس 10 يوليو 2008, 6:04 am | |
| الحقيقة قصيدة معبرة عن حالنا تماما للاسف ورائعة المعانى ولكن هل من متعظ؟؟
سلمت يداك | |
|
